वारकऱ्यांवर काळाचा घाला – उस्मानाबाद जिल्ह्यातील 8 जणांचा मृत्यू तर 20 ते 25 जण जखमी
तुळजापूर – समय सारथी
उस्मानाबाद जिल्ह्यातील वारकऱ्यांवर काळाने घाला घातला असून 8 जणांचा मृत्यू झाला आहे तर 20 ते 25 जण जखमी झाले. हा अपघात सोलापूर जिल्ह्यातील कोंडी येथे झाला असून त्यात तुळजापूर तालुक्यातील कदमवाडी येथील वारकऱ्यांचा मृत्यू झाला आहे. हे सर्व वारकरी टॅक्टरने पंढरपूर येथे दर्शनासाठी जात होते.
वारकऱ्यांच्या दिंडीच्या ट्रॅक्टरला मालट्रकने मागून धडक दिल्याने हा अपघात झाल्याची प्राथमिक माहिती आहे. या अपघातात 7 ते 8 जणांचा मृत्यू झाला असून जवळपास 20 ते 25 जण जखमी झाल्याची प्राथमिक माहिती मिळते. अपघातातील सर्व वारकरी तुळजापूर तालुक्यातील कदमवाडी गावचे रहिवासी आहेत. जखमीना सोलापूर येथे उपचारासाठी हलविण्यात आले आहे.जखमी व मृतांचा आकडा वाढू शकतो,पोलीस व प्रशासन घटनास्थळी दाखल झाले आहे.
