उस्मानाबाद – समय सारथी
राष्ट्रवादी काँग्रेसचे युवक जिल्हाध्यक्ष आदित्य गोरे यांच्या गाडीवर अज्ञातांनी दगडफेक केल्याची घटना उस्मानाबाद जिल्ह्यातील भूम तालुक्यातील पारडी फाटा येथील घाटात सांयकाळी 6 च्या सुमारास घडली आहे. सांयकाळी घडलेल्या घटनेमुळे खळबळ उडाली आहे याबाबत वाशी पोलिसात गुन्हा नोंद करण्यात आला आहे.
राष्ट्रवादीच्या गाव संपर्क अभियानला आदित्य जीवनराव गोरे जात असताना हा हल्ला करण्यात आला. या हल्ल्याचे कारण अद्याप अस्पष्ट आहे पोलीस त्याचा तपास करीत आहेत . हल्ल्यात गाडीची मागील काच फुटली असून कोणीही जखमी नाही. जिल्हाध्यक्ष आदित्य गोरे आणि कळंबचे राष्ट्रवादीचे पदाधिकारी समाधान बाराते हे दोघेही सुखरूप आहेत.
