भारतीय खो-खो संघ निवड समितीच्या अध्यक्षपदी उस्मानाबाद येथील प्रा डॉ चंद्रजीत जाधव यांची नियुक्ती
उस्मानाबाद – समय सारथी
उस्मानाबाद येथील तेरणा महाविद्यालयाचे क्रीडा विभाग प्रमुख आणि क्रीडा प्रशिक्षक , अखिल भारतीय खो-खो संघाचे सहसचिव प्राध्यापक डॉक्टर चंद्रजीत भालचंद्र जाधव यांची भारतीय खो-खो संघाच्या निवड समितीचे अध्यक्ष म्हणून नियुक्ती झाली आहे.
भारतीय खो-खो संघाचे सचिव एम एस त्यागी यांनी यासंदर्भात दिलेल्या पत्रात असे म्हटले आहे की चौथ्या आशियाई आणि जागतिक खो-खो स्पर्धेसाठी प्रा डॉ चंद्रजीत जाधव यांची निवड समिती अध्यक्ष म्हणून नियुक्ती करण्यात आली आहे.
यापूर्वी जाधव यांना महाराष्ट्र शासनाचा सर्वोच्च शिवछत्रपती क्रीडा मार्गदर्शक पुरस्कार मिळाला असून महाराष्ट्र खो-खो असोसिएशनचे 2010 ते 2018 या काळात सचिव म्हणून कार्यरत होते.प्रा. डॉ. जाधव यांच्या नियुक्तीमुळे उस्मानाबादच्या क्रिडा विश्वात आणखी एक मानाचा तुरा खोवला गेला आहे.
