बॅनरबाजी – भाजपच्या मोदी @9 ला शिवसेना ठाकरे गटाचे भकास @40 च्या बॅनरने उत्तर
धाराशिव – समय सारथी
धाराशिवमध्ये भाजप व शिवसेना ठाकरे गटाचा वाद पेटला असुन भाजपने शहरात मोदी @9 असे बॅनर लावले असतानाच शिवसेनेच्या ठाकरे गटाने त्याला भकास @40 चे बॅनर लावत उत्तर दिले आहे.
उपमुख्यमंत्री देवेंद्र फडणवीस हे आज धाराशिव शहरात येणार असुन ते सायंकाळी 7 वाजता मोदी @9 या अंतर्गत जनसभा घेऊन मोदी सरकारने केलेल्या विकास कामांची व आगामी प्रकल्पची माहिती देणार आहे. फडणवीस येण्यापूर्वी शिवसेनाच्या ठाकरे गटाने भकास @40 चे होर्डिंग लावत उत्तर दिले आहे. काळे निषेधाचे बॅकग्राउंड असलेल्या या बॅनरवर कोणाचेही नाव नाही. शिवसेनेचे सोमनाथ गुरव, दिनेश बंडगर, पंकज पाटील व रवी वाघमारे यांनी हे बॅनर लावले आहेत.
भकास @40 या बॅनरमधून भाजपचे आमदार राणाजगजितसिंह पाटील यांच्या कुटुंबातील असणारी 40 वर्षाची सत्ता ही भकास असल्याचा आरोप त्यांनी केला आहे. सत्ता असताना विकास केला नाही, विकासासाठी भाजपात गेले तरी काय केले असा सवाल शिवसेना ठाकरे गटाने केला आहे. येत्या काही दिवसात भकास @40 अंतर्गत जिल्हा कसा भकास केला हे सांगू असा इशारा दिला आहे त्यामुळे आगामी काळात राजकीय वातावरण चांगलेच तापणार आहे.
