पोलीस पथकावर चटणी टाकून प्राणघातक हल्ला – उस्मानाबाद जिल्ह्यातील घटना, 2 पोलीस गंभीर जखमी
उस्मानाबाद – समय सारथी
उस्मानाबाद जिल्ह्यात पोलीस पथकावर चटणी टाकून प्राण घातक हल्ला केल्याची घटना घडली असून यात 2 पोलीस गंभीर जखमी झाले आहेत. परांडा येथे पोलिसांच्या पथकावर प्राण घातक हल्ला करून चटणी टाकून मारहाण केली.परंडा शहरातील कुर्डुवाडी रोडवर शेतातील वस्तीत आरोपींना पकडण्या साठी गेलेल्या पोलीस पथकावर प्राणघातक हल्ला केला, यात पोलिस उपनिरीक्षक राजकुमार ससाणे व पोलिस कर्मचारी भांगे गंभीर जखमी झाले आहेत. सात ते आठ पोलिस कर्मचारी यांच्यावर तिखट चटणी टाकली व नंतर हल्ला केला.जखमी पोलिस अधिकारी व कर्मचारी यांच्या उपजिल्हा रुग्णालयात उपचार सुरु आहे.एक महिला व एक पुरुष यांना अटक केली आहे तर चार जण अंधाराचा फायदा घेऊन फरार झालेत, पोलीस अधिक तपास करित आहेत.
