नेता पॉवर फुल्ल – तुमच्या टक्केवारी इतके कामे आम्ही मोफत करतो , खिसा झटकला तर तुमच्या सारखे 5-50 बाहेर पडतील
भाजप युवा नेते मल्हार पाटील यांचा शिवसेना नेत्यांना टोला
उस्मानाबाद – समय सारथी
उस्मामाबाद जिल्ह्यात सध्या पीक विमा आणी टक्केवारी, दलाली यावरून आरोप प्रत्यारोपाने राजकारण पेटलेले असतानाच भाजप युवा नेते मल्हार पाटील यांचा एक व्हिडिओ चांगलाच चर्चेत आला आहे. मल्हार पाटील यांनी उस्मानाबाद जिल्ह्यातील विरोधक असलेले शिवसेना नेते व त्यांच्या कारभारावर कडाडून टीका केली.
आम्ही लोकांसाठी कामे करतो आणी हे विरोधक जिथे 5-10 टक्के कमिशन घेऊन कमावितात तितका मल्हार पाटील मुंबईतील तेरणा हॉस्पिटल मध्ये जनतेची मोफत ऑपरेशन करतो. तुम्ही आम्हाला पैशाचे बोलायचे सुद्धा नाही, खिसा झटकला तरी तुमच्यासारखे 5-50 बाहेर पडतील असे सांगत मल्हार पाटील यांनी शिवसेना नेत्यावर हल्लाबोल केला.सोशल मीडियावर हा व्हिडिओ चांगलाच गाजत आहे.
