उस्मानाबाद – समय सारथी
उस्मानाबाद जिल्ह्यासाठी गुरुवारचा दिवस हा घातक ठरला असून एकूण कोरोनाचे 8 रुग्ण सापडले. उमरगा शहरातील एक महिला व शिराढोण येथील एक महिला कोरोना बाधीत सापडल्या नंतर रात्री उशिरा 6 जणांचे अहवाल कोरोना पॉझिटिव्ह आले आहेत , यात वाशी 1 , परंडा 1 व लोहारा तालुक्यातील जेवळी येथील 4 जण कोरोना पॉझिटिव्ह आले असल्याची माहिती जिल्हा शल्य चिकित्सक डॉ राजाभाऊ गलांडे यांनी दिली .
उस्मानाबाद जिल्ह्यातील 72 जणांचे स्वॅब तपासणीसाठी पाठविण्यात आले होते त्यापैकी 6 जण पॉझिटिव्ह आले आहेत.यामध्ये वाशी तालुक्यातील पिंपळगाव येथील सहा वर्षाची मुलगी , लोहारा तालुक्यातील जेवळी येथील रुग्णाच्या संपर्कातील चार जण पॉझिटिव्ह आले असून परंडा तालुक्यातील खांडेश्वरवाडीतील रुग्णाच्या संपर्कातील 27 वर्षीय तरुण पॉझिटिव्ह आला आहे. शिराढोण येथील महिलेचा स्वॅब हा लातूर येथे घेण्यात आल्याने तांत्रिकदृष्ट्या याची मोजणी लातूर जिल्ह्यातील आकडेवारीत करण्यात आली आहे.
उस्मानाबाद जिल्ह्यात रुग्ण संख्या 23 झाली असून त्यातील 4 जण बरे झाले आहेत तर 19 जणांवर रुग्णालयात उपचार सुरू आहेत.
