धनगर समाजाचा भव्य मोर्चा – एसटी आरक्षणासाठी तुळजापुरात हजारो बांधव रस्त्यावर उतरले
तुळजापूर – समय सारथी
उठ धनगरा जागा हो आरक्षणाचा धागा हो असा नारा देत धनगर समाजाचा एस टी प्रवर्गात समावेश कुरुब आरक्षण द्यावे या मागणीसाठी हजारोच्या संख्येने धनगर समाज रस्त्यावर उतरला. माजी जिल्हा परिषद सदस्य गणेश सोनटक्के यांच्या नेतृत्वाखाली हा मोर्चा काढण्यात आला. छत्रपती शिवाजी महाराज चौक ते तुळजाभवानी मंदीर व त्यानंतर तहसील कार्यालय असा मोर्चा काढून रास्ता रोको करण्यात आला. पारंपरिक वाद्य वाजवत व पोशाखात अनेक जण सहभागी झाले.
धनगर आरक्षण विराट हक्क मोर्चा काढण्यात आला यावेळी धनगर समाजाला एसटी आरक्षणाची मागणी केली. पुण्यश्लोक अहिल्यादेवी होळकर यांचे भव्य स्मारक तुळजापूर व नळदुर्ग शहरामध्ये उभे करावे अशी मागणी केली तसेच चौडी येथे उपोषणाला बसलेल्या समाज बांधवाना यावेळी पाठिंबा दिला.
