ढाल तलवार असणार बाळासाहेबांची शिवसेना गटाचे चिन्ह
उस्मानाबाद – समय सारथी
बाळासाहेबांची शिवसेना हे नाव मिळाल्यावर मुख्यमंत्री एकनाथ शिंदे गटाला आता ढाल तलवार हे चिन्ह निवडणुक आयोगाने दिले आहे. ठाकरे गटाच्या शिवसेना उद्धव बाळासाहेब ठाकरे यांना मशाल हे चिन्ह मिळाले आहे त्यामुळे आगामी काळात ढाल तलवार व मशाल यात लढत होणार आहे.
रिक्षा, शंख, तुतारी, पिंपळाच झाड, सूर्य व ढाल – तलवार असे 6 पर्याय दिले होते त्यातून ढाल तलवार हे चिन्ह देण्यात आले आहे.
उद्धव ठाकरे व एकनाथ शिंदे या गटांना निवडणूक आयोगाने नावे दिले आहेत त्यात दोन्ही गटांच्या नावात शिवसेना हे शब्द असणार आहे. उद्धव ठाकरे यांना शिवसेना ( उद्धव बाळासाहेब ठाकरे ) हे नाव देण्यात आले आहे तर मुख्यमंत्री एकनाथ शिंदे यांना बाळासाहेबांची शिवसेना हे नाव देण्यात आले आहे. एकंदरीत दोन्ही गटाच्या नावात शिवसेना हा शब्द असणार आहे. ठाकरे यांच्या गटाला मशाल हे चिन्ह दिले आहे तर एकनाथ शिंदे यांच्या गटाला 3 पर्याय देण्यास सुचवले होते त्यानुसार हे पर्याय दिले आहेत.
