झेंडा उंचा रहे हमारा… अमेरिकेत भारताचा स्वतंत्र दिन साजरा, ॲंटलर्स सोसायटीचा उपक्रम
फ्लोरीडा – समय सारथी
भारताचा स्वतंत्र दिन युएसए अर्थात अमेरिका देशातील फ्लोरीडा जॅकसॉनविल्ले येथे मोठ्या उत्साहात साजरा करण्यात आला. झेंडा उंचा रहे हमारा, भारत माता की जय असा नारा देत तिथे स्थायिक झालेल्या मराठी कुटुंबानी पारंपरिक पोशाखात ध्वजारोहण केले. मायदेशापासुन दूर असले तरी देशप्रेम, आपुलकी एकत्र येत व्यक्त केली. यावेळी सांस्कृतीक कार्यक्रम घेत जागर करण्यात आला.
अदिती जोशी,मानसी देशमुख,पुष्पा थोरात, पल्लवी अंबरे, प्रियंका पवार, कल्याणी धर्माधिकारी, भाग्यश्री माने, प्रियंका कदम, प्रियंका दराखे, निलसीन मुखीडा, सोनाली झाजे यासह नागरिकांनी सहभाग घेतला तर ॲंटलर्स सोसायटी याने यासाठी पुढाकार घेतला. या कार्यक्रमात महिला, लहान मुलांचा विशेष सहभाग होता. स्वतंत्र दिनासोबतच ॲंटलर्स सोसायटी विविध भारतीय सण उत्सव साजरे करीत लहान मुलांना संस्कारमय शिक्षण देत परंपरा जपत आहे.
हे सर्व परिवार महाराष्ट्र राज्यातील पुणे, नगर, अमरावती,धाराशिव, नांदेड, बुलढाणा, छत्रपती संभाजीनगर येथील आहेत. नियमितपणे कामातून वेळ काढून हे सामाजिक उपक्रम व समाजसेवेचे कार्य सुद्धा करतात.
