रहो .. उस्मानाबाद शहरात चोरट्यांची दहशत – लाठ्या काठ्या तलवारी घेऊन नागरिकांचा पहारा
पोलिसांना एकही चोर सापडेना … जनता संतप्त
उस्मानाबाद – समय सारथी
उस्मानाबाद शहरात चोरट्यांची दहशत मोठ्या प्रमाणात पसरली असून गेल्या 1 महिन्यापासून शहरातील अनेक भागात नागरिक , तरुण लाठ्या,काठ्या, तलवारी हातात घेऊन रात्रभर जागता पहारा देत आहेत. तरुणांचे अनेक गट रात्रभर पहारा देत असले तरी चोऱ्यांचे प्रमाण काही कमी होताना दिसत नाही. गेल्या महिना भर चोऱ्यांनी दहशत माजावली असतानाही पोलिसांना एकही चोर सापडेना झाला आहे त्यामुळे जनता संतप्त झाली आहे. चोर सापडला की धरून मारायचा या भूमिकेतून तरुण संतप्त झाले असून रात्रभर जागून काढत आहेत.
शाहू नगर, माणिक चौक भागात सायंकाळी 7 नंतर चोराची पावले शहरी भागकडे वळू लागतात, 10 ते 15 चोरांचे टोळके हातात नग्या तलवारी घेऊन शहरी वस्तीत खुलेआम फिरत आहेत. शाहू नगर भागात चोरट्यांनी सायंकाळी 7 वाजताच हल्ला केल्याने चोरट्यांच्या टोळक्यावर एका प्रतिष्ठित नागरिकाने परवानाधारक बंदूकीतून 2 गोळ्याचे राऊंड हवेत फायर केले त्यामुळे चोरटे पळाले.
शहरातील वाढीव हद्दीचा भागात पोलिसांची पेट्रोलिंग कमी प्रमाणात असल्याने संपूर्ण मदार ही तरुणांच्या पाहाऱ्यावर अवलंभून आहे. वाढीव शहराच्या भागा जवळ शेती असल्याने अनेक वेळा चोरटे त्यात लपून वेळ पाहून घात करित आहेत. शहराच्या मुख्य भागात ही हिच स्तिथी आहे येथे चोरटे खुलेआम दरोडा टाकून नागरिकांना लुटून मारहाण करित आहेत. चोट्यांच्या भीतीने अनके नागरिकांनी घराबाहेर परिसरात सीसीटीव्ही बसून तारेचे कुंपण, घराला लोखंडी दरवाजे बसविले आहेत मात्र त्याचा उपयोग शून्य आहे.
पोलिसांना चोर सापडत नसल्याने नागरिकात प्रचंड नाराजीचा सुरु आहे, पोलिसांचे खबरे नेटवर्क सुद्धा कामी येत नसल्याने पोलीस यंत्रणा झाली झाली आहे. त्यातच स्थानिक गुन्हे शाखेचे पोलीस निरीक्षक गजानन घाडगे यांची बदली झाली असल्याने नेटवर्क पुरते कोलमडले आहे.शहरासह् अन्य भागात अधिकारी बदलल्याने त्याचा फरक पडला आहे.
उस्मानाबाद शहरातील तांबरी विभाग येथील गणपती मंदिर मागील भागात सचिन गिरी हे या भागातील तरुणांसोबत रोज रात्री नेहमी प्रमाणे ग्रस्त घालत होते , रात्री 4 वाजेपर्यंत ग्रस्त घालत असताना आता पहाट होत आली आहे चोरटे येणार नाही असे समजून हे तरुण आपापल्या घरी जात असताना सचिन गिरी यांना 2 चोरांनी पकडून बेदम मारहाण केली. चोरटे हे नागरिक गस्त संपवून घरी जाण्याची वाट पाहत होते , तरुण घरी जाताना त्यांना पकडून मारहाण केली या घटनेमुळे दहशत अजून पसरली आहे. तरुणांनी या प्रकरणी शहर पोलिसात तक्रार दिली आहे.
पोलिसांना चोर सापडेना त्यामुळे नागरिक सशस्त्र रात्री जागता पहारा देत आहे. नागरिकांना हाती काठ्या घ्यायची वेळ आल्याने पोलिसांवर नाराजीचा सूर आहे.
