चिंताजनक – कोरोनाचे जिल्ह्यात 186 रुग्ण तर 46 कोरोनामुक्त
उस्मानाबाद – समय सारथी
उस्मानाबाद जिल्ह्यात कोरोनाने शनिवारी कहर केला असून तब्बल 186 रुग्ण सापडले असून 46 जण कोरोनामुक्त झाले आहेत. दिवसेंदिवस कोरोना स्तिथी गंभीर बनत चालली आहे. नमुने तपासणीत रुग्ण पॉझिटीव्ह येण्याचे प्रमाण 9.24 टक्के राहिले. शनिवारी 2 हजार 11 रुग्णांची तपासणी करण्यात आली त्यापैकी 186 म्हणजे 9.24 टक्के रुग्ण पॉझिटिव्ह आले त्यात रॅपिड चाचणीत 103 तर आरटीपीसीआर चाचणीत 83 जण पॉझिटिव्ह आले.
उस्मानाबाद जिल्ह्यातील उस्मानाबाद तालुक्यात सर्वाधिक 58 रुग्न सापडले. जिल्ह्यात कोरोना सक्रिय रुग्णांची संख्या 905 झाली आहे.
उस्मानाबाद जिल्ह्यात शनिवारी 186 रुग्ण सापडले त्यात तुळजापूर 32, उमरगा 50, लोहारा 7, कळंब 19 व भूम तालुक्यात 3 रुग्ण सापडले. उस्मानाबाद जिल्ह्यात आजवर कोरोनाचे 68 हजार 857 रुग्ण सापडले त्यापैकी 65 हजार 861 रुग्ण उपचार नंतर बरे झाले असून रुग्ण बरे होण्याचे प्रमाण हे 95.64 टक्के आहे. जिल्ह्यात आजवर 1 हजार 509 जणांचा कोरोनाने मृत्यू झाला असून मृत्यू दर हा 2.19 टक्के आहे.
उस्मानाबाद जिल्ह्यात कोरोनाच्या उपाययोजना करण्यात आल्या असून आरोग्य प्रशासन दक्ष व सज्ज झाले आहे. महसूल व पोलीस यंत्रणाही कोरोनाचा फैलाव होऊ नये यासाठी काळजी व प्रतिबंधात्मक कारवाई करीत आहे.
