गोळीबार – फक्राबादचे सरपंच बिक्कड यांच्या गाडीवर हल्ला, 2 गोळ्या झाडल्या
वाशी – समय सारथी , शोएब काझी
राष्ट्रवादी युवक काँग्रेस जिल्हा कार्यध्यक्ष तथा उस्मानाबाद जिल्ह्यातील वाशी तालुक्यातील फक्राबादचे सरपंच नितीन बिक्कड यांच्या गाडीवर अज्ञात व्यक्तीकडून गोळीबार करीत हल्ला करण्यात आला आहे. बिक्कड यांच्या गाडीवर 2 गोळ्या झाडण्यात आल्या असून त्या तील एक गोळी ही गाडीच्या समोरच्या काचावर मध्यभागी लागली आहे तर एक गोळी ड्राइवर साईडच्या बाजूला लागल्या आहेत, या जीवघेण्या हल्ल्यात बिक्कड हे बचावले असून ते सुखरूप आहेत.
पारा -फक्राबाद रोडवर बिक्कड त्यांच्या गावी जात असताना हा गोळीबार झाला होता पण ते आता सुखरूप आहेत. सर्व राष्ट्रवादी काँग्रेसच्या कार्यकर्ते पदाधिकारी यांनी शांतता राखण्याचे आव्हान नितीन बिक्कड यांनी केले आहे. या घटनेनंतर बिक्कड याच्या समर्थकांनी एकच गर्दी केली, बिक्कड हे फिर्याद देण्यासाठी पोलीस ठाण्यात गेले असून या प्रकरणी गुन्हा नोंद करण्याची कारवाई वाशी पोलीस ठाण्यात रात्री उशिरा पर्यंत सुरु आहे. पोलीस ठाण्यात त्यांची गाडी नेण्यात आली आहे.
