एअर इंडिया कर्मचाऱ्यास मारहाण केल्याच्या प्रकरणात 2 कलमातुन माजी खासदार रवींद्र गायकवाड यांची सुटका , कलम 355 नुसार चालणार खटला
उस्मानाबाद – समय सारथी
उस्मानाबादचे शिवसेनेचे माजी खासदार रवींद्र गायकवाड यांची एअर इंडिया कर्मचाऱ्यास मारहाण केल्याच्या प्रकरणात 2 कलमातुन दिल्ली कोर्टाने सुटका केली आहे.गायकवाड यांच्यावर आता कलम 355 नुसार खटला चालवला जाणार आहे, 2 कलमातून मुक्ताता केल्याने गायकवाड यांना दिलासा मिळाला आहे. एअर इंडिया कर्मचाऱ्यास मारहाण प्रकरण नंतर गायकवाड देशभर चर्चेत आले होते त्यानंतर गायकवाड यांच्यावर विमान प्रवास बंदी व प्रसार माध्यमांचा पाठलाग सोडविण्यासाठी गायकवाड यांनी केलेले वेशांतर चांगलेच गाजले होते.
मार्च 2017 साली बिजनेस क्लासचे तिकीट दिले नाही म्हणून खासदार रवी गायकवाडांकडून एअर इंडिया कर्मचाऱ्यांस विमानातच चपलेने प्रकरण करण्यात आली होती. गायकवाड हे पुण्याहून दिल्लीला जात होते. या घटनेनंतर त्यांच्यावर गुन्हा नोंद करण्यात आला होता मात्र त्यातील कलम 308 ( सदोष मनुष्यवधाचा प्रयत्न करणे) आणि कलम 201 ( पुरावे नष्ट करणे, खोटी माहिती देणे ) या आरोपातून रवींद्र गायकवाड यांची दिल्लीच्या कोर्टाने मुक्तता केली आहे पण कलम 355 (अनादर करत अकारण हल्ला करणे ) नुसार रवी गायकवाड हे सकृतदर्शनी दोषी दिसत असल्याचे मत नोंदवीत या कलमानव्ये खटला चालणार आहे असे कोर्टाने स्पष्ट केले.
एअर इंडियाच्या कर्मचाऱ्याला शिवसेनेचे खासदार रवींद्र गायकवाड यांनी मारहाण केली नंतर एअर इंडियाचे कर्मचारी आणि रवींद्र गायकवाड यांच्यामधल्या वादाचा व्हि़डिओ व्हायरल झाला होता. बिझनेस क्लासचं तिकीट असूनही मला इकोनॉमी क्लासमध्ये बसवण्यात आले. याचा जाब मी त्या कर्मचाऱ्याला विचारला असता, त्याने मला दाद दिली नाही. मला अपशब्द वापरले आणि त्यानंतर आपण मारहाण केल्याचे गायकवाड यांनी त्यावेळी सांगितले होते. मी बाळासाहेबांचा शिवसैनिक आहे अन्याय सहन करणारा नाही, गप्प बसायला मी भाजप खासदार नाही असे त्यांचे वक्तव्य त्यावेळी चांगलेच गाजले होते, या प्रकरणा नंतर ते देशभर प्रकाशझोतात आले होते.
शिवसेना खासदार रवींद्र गायकवाड यांच्यावर विमानप्रवास करण्याची बंदी एअर इंडियाने घातली होती त्यानंतर ती मागेही घेतली होती.
