उत्कृष्ट कार्याची दखल – व्यंकट सुरवसे यांना आदर्श ग्रामसेवक पुरस्कार
उस्मानाबाद – समय सारथी
विविध शासकीय योजना राबविण्यात व समाजोपयोगी केलेल्या कार्याची दखल घेत व्यंकट सुरवसे यांना आदर्श ग्रामसेवक पुरस्कार प्रदान करण्यात आला आहे.
उस्मानाबाद पंचायत समितीचे ग्रामसेवक व्यंकट सुरवसे हे प्रत्येक कामात अग्रेसर असतात, मग ते काम ऑनलाईन असो अथवा ऑफलाईन असो किंवा वरिष्ठ कार्यालयाने टाकलेली जबाबदारी. त्यांच्या या कार्याची दखल घेत 2020-2021 या आर्थिक वर्षातील उत्कृष्ट कार्याबद्दल आदर्श ग्रामसेवक पुरस्कार सुरवसे यांना जिल्हा परिषदेचे मुख्य कार्यकारी अधिकारी डॉ.विजयकुमार फड, जिल्हा परिषद अध्यक्षा अस्मिता कांबळे यांच्या हस्ते वितरित करण्यात आला. त्यावेळी अतिरिक्त मुख्य कार्यकारी अधिकारी नवाले, उप मुख्य कार्यकारी अधिकारी तांदळे (ग्रामपंचायत विभाग जि. प.उ बाद) तसेच डॉ.तुबाकले उप मुख्य कार्यकारी अधिकारी (सामान्य प्रशासन विभाग जि. प उस्मानाबाद) समृद्धी दिवाणे, गटविकास अधिकारी पंचायत समिती उस्मानाबाद,मरोड गटविकास अधिकारी पंचायत समिती तुळजापूर, खिलारे गटविकास अधिकारी वाशी, ढवळशखं साहेब गटविकास अधिकारी भूम, राजगुरू गटविकास अधिकारी कळंब, सुदर्शन घोगरे ग्रामविकास अधिकारी यांच्यासह जिल्हा परिषदमधील इतर पदाधिकारी, अधिकारी व कर्मचारी हजर होते
