अध्यात्मिक आघाडीचे अध्यक्ष तुषार भोसले यांच्यावर तुळजापूर येथे गुन्हा नोंद – भक्तांच्या आधी तुळजाभवानी दर्शन करणे भोवले
तुळजापूर – समय सारथी , कुमार नाईकवाडी
भाजपच्या अध्यात्मिक आघाडीचे अध्यक्ष तुषार भोसले यांच्यासह इतरांवर तुळजापूर पोलीस ठाण्यात गुन्हा नोंद झाला आहे.कोरोना नियमांचे उल्लंघन व जिल्हाधिकारी यांच्या आदेशाचे उल्लंघन केल्याने कलम 109,188 व 269 अनव्ये गुन्हा नोंद करण्यात आला आहे.सामान्य भक्तांच्या आधी अनधिकृतपणे तुळजाभवानी मंदिरात प्रवेश करून दर्शन घेऊन विनामास्क फोटोसेशन करणे त्यांना भोवले आहे.
पास न काढताच भाजपच्या आध्यात्मिक आघाडीचे प्रमुख तुषार भोसले यांनी काल सहपरिवार घेतले तुळजाभवानीचे दर्शन घेतले होते. दुपारी 12 नंतर घटस्थापनानंतर भाविक यांना मंदिरात सांयकाळी 6 नंतर प्रवेश असल्याचे जिल्हाधिकारी कौस्तुभ दिवेगावकर यांनी आदेश काढले होते मात्र त्यापूर्वीच भोसले यांनी प्रवेश करून दर्शन घेतले.तुळजाभवानीच्या गाभाऱ्यात व मंदिर परिसरात भोसले यांनी विनामास्क फोटो सेशन केले हे त्यांना चांगलेच अंगलट आले.
तुळजाभवानीसह राज्यातील मंदिरे खुली करावी यासाठी भोसले यांनी तुळजाभवानी मंदिर समोर आध्यत्मिक आघाडीच्या वतीने आंदोलन केले होते. मंदिर खुले झाल्यानंतर तुळजाभवानी दर्शन घेऊन आनंदोत्सव साजरा करण्याची घोषणा भोसले यांनी केली होती. दुपारी 12 वाजता घटस्थापनानंतर सांयकाळी 6 वाजता भाविकांना दर्शन देण्याचे आदेश होते मात्र भोसले यांनी नियम न पाळता सामान्य भक्तांच्या आधी प्रवेश करून दर्शन घेतले.
आंदोलन भक्तांसाठी लाभ मात्र सर्वप्रथम असेच काही घडले.भोसले यांच्या या कृत्याबद्दल प्रसार माध्यमातून मंदिर संस्थानच्या कार्यपद्धतीवर टीका झाल्यानंतर जिल्हाधिकारी तथा मंदिर संस्थानचे अध्यक्ष कौस्तुभ दिवेगावकर यांनी उपविभागीय अधिकारी डॉ योगेश खरमाटे यांना तात्काळ चौकशी करून कार्यवाही करण्याचे आदेश दिले होते त्यानुसार मंदिराचे सहायक व्यवस्थापक प्रवीण अमृतराव यांच्या तक्रारीवरून भोसले यांच्यावर गुन्हा दाखल केला आहे, याचा तपास पोलिस निरीक्षक आजीनाथ काशीद यांच्या मार्गदर्शनखाली पोलीस कॉन्स्टेबल विजयकुमार राठोड हे करीत आहेत.
