धाराशिव – समय सारथी
शिवसेना उबाठा गटाचे प्रमुख उद्धव ठाकरे यांचा उद्याचा लातूर धाराशिव दौरा रद्द झाला असुन धाराशिव जिल्ह्यात सुरु असलेल्या मराठा आंदोलनामुळे हा दौरा रद्द झाला आहे.आंदोलनचा धसका राजकीय नेत्यांसह प्रशासनाने घेतला आहे. शिवसेना खासदार ओमराजे निंबाळकर व आमदार कैलास पाटील यांनी दौरा रद्द झाल्याची माहिती आहे.
आज सकाळ पासुन धाराशिव जिल्ह्यात आंदोलनाचा भडका उडाला आहे. चक्काजाम, रस्ता रोको, ठिय्या आंदोलन, बसवर दगडफेक, टायर जाळपोळ अशी आंदोलन सुरु आहेत.
उद्धव ठाकरे हे तुळजाभवानी देवीचे दर्शन घेत धाराशिव लोकसभा मतदार संघात 5 सभा घेणार होते. औसा, उमरगा, तुळजापूर, कळंब व भुम येथील सभा रद्द झाल्या आहेत. दौरा रद्द असला तरी आंदोलनाची धग मात्र कायम आहे.
