U टर्न – तुळजाभवानी मंदिरात आता भक्तांना निर्बंध नाहीत- मंदीर संस्थानचे आदेश जारी
धाराशिव – समय सारथी
तुळजाभवानी मंदीर संस्थानने भाविकांच्या ड्रेस कोडवरून यु टर्न घेतला आहे. तुळजाभवानी मंदीर संस्थानाचे तहसीलदार सौदागर तांदळे यांनी याबाबतचे जाहीर प्रकटन काढले आहे. तुळजाभवानी मंदिरामध्ये पूजेसाठी अथवा दर्शनासाठी आलेल्या कोणत्याही भाविकांना कोणतेही निर्बंध घालण्यात आले नसल्याचे स्पष्टीकरण दिले आहे.
तुळजाभवानी मंदिरात अंगप्रदर्शन करणारे तोकडे कपडे घालणाऱ्यांना नो एन्ट्री केली होती त्याबाबत बॅनर सुद्धा लावले होते. अंगप्रदर्शन, उत्तेजक असभ्य अशोभनिय वस्त्रधारी, हाफ पॅन्ट, बर्मुडाधारकांना आता मंदिरात प्रवेश नाही.भारतीय संस्कृती व सभ्यत्याचे भान ठेवण्याचे मंदीर संस्थांनने आवाहन करणारे बोर्ड मंदीर परिसरात लावले होते मात्र ती भुमिका अवघ्या 7 तासात मंदीर संस्थांनाने मागे घेतली आहे.
