अहिल्यानगर – समय सारथी
अहिल्यानगर जिल्ह्यातील जामखेड येथील कुख्यात पैलवान सागर मोहोळकर याचा अखेर 12 दिवसानंतर उपचारा दरम्यान पुणे येथील ससून रुग्णालयात मृत्यु झाला आहे. सागर याच्यावर 4 मार्चला भरवस्तीत गोळीबार करण्यात आल्यानंतर तो गंभीर जखमी होता त्यानंतर त्याला जामखेड येथील रुग्णालयात उपचारासाठी नेले त्यानंतर पुणे येथे मात्र त्याचा मृत्यु झाला. पुण्याचा डॉन बॉस अशी ओळख असलेल्या निलेश घायवळला गालात चापट मारून हल्ला केल्यानंतर तो राज्यभर चर्चेत आला होता, अखेर घायवळ याच्या टोळीने बदला पुर्ण केला.
जामखेड येथील न्यूराणी कॉलनी भागात मोटार सायकलवरून आलेल्या अभिमन्यु पोते व त्याच्या साथीदारानी सागरवर 7 राऊंड फायर केले, ज्यापैकी 4 गोळ्या अंगात घुसल्याने तो गंभीर जखमी झाला होता. सागर नुकताच नाशिक मध्यवर्ती कारागृहातून बाहेर आलेला होता, त्याच्यावर अनेक गंभीर गुन्हे नोंद आहेत. गोळीबार घटनेच्या दोन दिवसांपूर्वी वडिलांनी त्याच्या विरोधात जामखेड पोलीस स्टेशन एनसी दाखल केली होती. तो नशेच्या आहारी आसायचा जामखेड परिसरात त्याची मोठी दहशत होती.
भुम तालुक्यातील आंद्रूड येथील यात्रेत कुस्ती स्पर्धेच्या मारहाण केल्या प्रकरणी कुख्यात डॉन असलेल्या निलेश घायवळ व पैलवान सागर मोहोळकर विरोधात वाशी पोलिसात गुन्हा नोंद करण्यात आला आहे. पैलवान सागरने कुस्तीच्या मैदानात बॉस निलेशच्या श्रीमुखात चापट मारली होती त्यानंतर पैलवान याला घायवळ याच्या समर्थकांनी यथेच्छा मारहाण केली, या दोघांनी सार्वजनिक शांततेचा भंग केल्याप्रकारणी भारतीय न्याय संहिता कलम 194 (2) नुसार गुन्हा नोंद केला होता. गालात चापट मारल्याचा बदला खुन करून घेतला असल्याचे समोर आले.
