तणाव, शांततेचे आवाहन – औरंगजेबाचे स्टेटस ठेवल्याने हिंदु संघटना आक्रमक, एक जण ताब्यात, धाराशिव जिल्ह्यातील घटना

धाराशिव – समय सारथी

औरंगजेबचे स्टेटस ठेवल्यावरून वाद पेटला असुन उमरगा शहरातील हिंदू संघटना आक्रमक झाल्या आहेत. लातूर महामार्गावरील नारंगवाडी पाटी येथे गेल्या 3 तासांपासून रास्ता रोको आंदोलन करण्यात येत असल्याने तणावाची स्तिथी निर्माण झाली आहे. नागरिकांनी अफवावर विश्वास ठेवू नये, पोलिसांनी शांततेचे आवाहन केले असुन एकाला ताब्यात घेतले आहे. घटनास्थळी उमरगा पोलिसांचा मोठा बंदोबस्त तैनात करण्यात आला आहे. आरोपीला तात्काळ अटक करा अशी आंदोलकांची मागणी आहे.