तुळजाभवानी मंदिरात आता ‘अश्या’ भक्तांना प्रवेश नाही – मंदीर संस्थानचे आदेश जारी
धाराशिव – समय सारथी
तुळजाभवानी मंदिरात आता अंगप्रदर्शन करणारे वेस्टर्न कपडे घालणाऱ्यांना नो एन्ट्री अर्थात प्रवेश बंदी असणार आहे. तुळजाभवानी मंदीर संस्थानने मंदीर परिसरात याबाबतचे फलक लावले आहेत. अंगप्रदर्शन, उत्तेजक असभ्य अशोभनिय वस्त्रधारी, हाफ पॅन्ट, बर्मुडाधारकांना आता मंदिरात प्रवेश नाही. भारतीय संस्कृती व सभ्यत्याचे भाव ठेवण्याचे मंदीर संस्थांनने आवाहन केले आहे.
मंदिर व मंदिर परिसरात जिल्हाधिकारी तथा अध्यक्ष डॉ सचिन ओम्बासे यांचे मार्गदर्शनाखाली भारतीय संस्कृती संदर्भात बोर्ड लावण्यात आले आहेत. यानिमित्ताने मंदिर संस्थानचे तहसीलदार तथा व्यवस्थापक प्रशासन सौदागर तांदळे व सहाय्यक व्यवस्थापक धार्मिक नागेश शितोळे यांचा सर्व पुजारी वर्गाने सत्कार केला. यावेळी अधिकारी व कर्मचारी तसेच सुरक्षारक्षक उपस्थित होते
