उस्मानाबाद – समय सारथी
जिल्ह्यात १जुलै २०२० रोजी कोरोनाचे ६रुग्ण सापडले आहेत . उस्मानाबाद शहरातील एमआयडीसी भागात नव्याने २ रुग्ण सापडल्याने हा भाग हॉटस्पॉट बनत चालला आहे. तुळजापूर तालुक्यातील चव्हाणवाडी येथे दोन रुग्ण सापडले असून ते पूर्वीच्या रुग्णाच्या संपर्कातील आहे .उमरगा डिग्गी रोड येथील भागात २ नवीन रुग्ण सापडले असून ते पूर्वीच्या रुग्णाच्या संपर्कातील आहेत तर परांडा शहरात एक रुग्ण आढळून आला आहे अशी माहिती जिल्हा शल्यचिकित्सक डॉ राजाभाऊ गलांडे व डॉ सतीश आदटराव यांनी दिली.
उस्मानाबाद जिल्ह्यात कोरोनाचे २३५ रुग्ण असून त्यापैकी १७५ जण उपचारानंतर कोरोनामुक्त झाले आहेत तर ४८ जणांवर उपचार सुरू आहेत आजवर १२ जणांचा कोरोनामुळे मृत्यू झाला आहे. उस्मानाबाद जिल्ह्यात कोरोनामुळे मृत्यू होण्याचा दर ५.१ टक्के इतका आहे तर उपचारानंतर रुग्ण बरे होण्याचा दर ७४.४६ टक्के आहे.
