उस्मानाबाद – समय सारथी
उस्मानाबाद जिल्ह्यात रविवारी कोरोनाचे ३ नवे रुग्ण सापडले असून यातील २ रुग्ण हे तुळजापूर तालुकयातील आहेत तर एक जण लोहारा तालुक्यातील फणेपूर येथील असून तो पुणे येथून आला आहे. तुळजापूर तालुक्यातील एक रुग्ण तामलवाडी येथील असून तो सोलापूर येथून आला आहे तर एक महिला रुग्ण मुंबई रिटर्न आहे. आज ७४ स्वॅबचे अहवाल प्राप्त झाले त्यापैकी ७१ अहवाल निगेटिव्ह आले असून ३ अहवाल पॉझिटिव्ह आल्याची माहिती जिल्हा शल्य चिकित्सक राजाभाऊ गलांडे यांनी दिली.
उस्मानाबाद जिल्ह्यात कोरोना रुग्णाची संख्या १४८ झाली असून त्यापैकी ११५ जण बरे झाले आहेत तर २८ जणांवर रुग्णालयात उपचार सुरु आहेत. आजवर कोरोनामुळे ५ जणांचा मृत्यू झाला आहे. उस्मानाबाद जिल्ह्यातील उमरगा तालुक्यातील १६ , लोहारा ८, परंडा १५, कळंब ३५ , भूम तालुका ४, वाशी तालुका ४ व उस्मानाबाद ५६,तुळजापूर तालुक्यात १० कोरोनाचे रुग्ण सापडले आहेत. उस्मानाबाद जिल्ह्यात कोरोना रुग्णाचा मृत्यू दर ३.३७ टक्के आहे तर रुग्ण बरे होण्याचा दर ७७.७० टक्के आहे.
