नवरात्र दांडिया महोत्सव – सहभागी होण्याचे लेडीज क्लब अध्यक्षा अर्चना पाटील यांचे आवाहन
विविध आकर्षक बक्षिसे तर सिने तारकांच्या उपस्थितीत रंगणार सोहळा
उस्मानाबाद – समय सारथी
उस्मानाबाद जिल्हावासियांसाठी यंदाच्या नवरात्र महोत्सव खास दांडियाचे आयोजन करण्यात आले असून यातील विविध कार्यक्रमात सहभागी होण्याचे आवाहन लेडीज क्लब अध्यक्षा अर्चना पाटील यांनी केले आहे. या नवरात्र काळात विविध आकर्षक बक्षिसे तर सिने तारकांच्या उपस्थितीत सोहळा रंगणार असून हे सर्व कार्यक्रम लेडीज क्लब उस्मानाबाद येथे 1 ते 3 ऑकटोबर या 3 दिवसांच्या काळात आयोजित केले जाणार आहेत. या कार्यक्रमात विनामूल्य प्रवेश असणार आहे.
भाजप आमदार राणाजगजीतसिंह पाटील व लेडीज क्लबच्या अध्यक्षा अर्चना पाटील यांच्या संकल्पनेतून गेली अनेक वर्षांपासून उस्मानाबाद जिल्ह्यात विविध समाज उपयोगी, सांस्कृतिक कार्यक्रम आयोजित केले जातात त्यात दांडिया महोत्सवाला एक वेगळी परंपरा आहे. उस्मानाबाद येथे सर्वप्रथम दांडिया घेण्यास अर्चना पाटील यांनी सुरुवात केली. यावर्षी सुद्धा 3 दिवसांची सांस्कृतिक कार्यक्रमांची मेजवानी आयोजित केली आहे यात 1 ऑक्टोबर ते 3 ऑक्टोबर या काळात विविध सिनेतारका कार्यक्रम घेणार आहेत तर बेस्ट कपल व बेस्ट ड्रेससाठी प्रत्येकी 5001 रुपये तर दांडिया कवीन व दांडिया किंग यासाठी प्रत्येकी 10,001 रुपयांचे बक्षीस ठेवण्यात आले आहे.
1 ऑक्टोबर रोजी प्रसिद्धी अभिनेत्री मानसी नाईक तर 2 ऑक्टोबर रोजी फुलला सुगंध मातीचा फेम समृद्धी केळकर व हर्षद केतकरी तर 3 ऑक्टोबर रोजी स्वराज्य रक्षक संभाजी मालिका फेम प्राजक्ता गायकवाड व सोनाली कुलकर्णी उपस्थित राहणार असून सर्व कार्यक्रम हे लेडीज क्लब येथे सायंकाळी 6 वाजता होणार आहेत. या सर्व कार्यक्रमाना विना मूल्य मोफत प्रवेश असणार आहे. तरी महिला व नागरिकांनी याचा लाभ घेत यात सहभागी व्हावे असे आवाहन अर्चना पाटील यांनी केले आहे.
