तलाठी परीक्षार्थी विद्यार्थीसाठी संभाजीनगरला विशेष बस सेवा – शिवसेना आमदार कैलास पाटील यांच्या प्रयत्नांना यश
धाराशिव – समय सारथी
तलाठी परीक्षार्थी विद्यार्थी यांच्यासाठी विशेष बस सेवा सुरु करण्यात येणार असुन शिवसेना आमदार कैलास पाटील यांच्या प्रयत्नांना यश आले आहे.
तुळजापूर ते संभाजीनगर व धाराशिव ते संभाजीनगर अशी बससेवा केवळ विद्यार्थीसाठी सुरु होणार असुन उद्या संभाजीनगर येथे तलाठी परीक्षा होत आहे मात्र बस सेवा बंद असल्याने विद्यार्थी यांची मोठी अडचण झाली होती. काही विद्यार्थी यांनी ही बाब आमदार कैलास पाटील यांच्याकडे मांडली असता त्यांनी संभाजीनगर परिक्षेत्राचे विशेष पोलीस महानिरीक्षक ज्ञानेश्वर चव्हाण, पोलीस अधीक्षक अतुल कुलकर्णी यांच्याशी व एसटी महामंडळ अधिकारी यांच्याशी चर्चा केली तेव्हा एसटी महामंडळ अधिकारी यांनी पोलीस बंदोबस्त द्यावा अशी मागणी केली तेव्हा पोलिसांनी तयारी दर्शवली.
रात्री 2, सकाळी 7 व 9 या 3 वेळेस धाराशिव ते संभाजी नगर व सकाळी 6 वाजता तुळजापूर ते संभाजीनगर येथून बस निघणार आहे.
