जिल्ह्यात शनिवारी कोरोनाचे ६ रुग्ण सापडल्याने खळबळ उडाली असून रुग्णाची संख्या १२२ झाली असून त्यापैकी ५८ जण बरे झाले असून ६१ जणांवर रुग्णालयात उपचार सुरु आहेत तर ३ जणांचा कोरोना उपचार सुरू असताना मृत्यू झाले आहेत.
कळंब तालुक्यातील शिराढोण या गावात कोरोनाचे नवे ४ रुग्ण सापडले असून हे सर्व रुग्ण शिराढोण येथील जुन्या रुग्णाच्या संपर्कात आले आहेत तर लोहारा तालुक्यातील सास्तुर येथे एक रुग्ण व उस्मानाबाद शहरातील उस्मानपुरा येथे एक रुग्ण सापडला आहे.
उस्मानाबाद जिल्ह्यात कोरोनाच्या स्थानिक संसर्गाला सुरुवात झाली असून दररोज रुग्ण संख्या वाढत आहे.
उस्मानाबाद जिल्ह्यातील उमरगा तालुक्यातील १६ , लोहारा ७ व परांडा या तालुक्यात ११ रुग्ण सापडले असून कळंब तालुक्यात ३५ रुग्ण सापडले आहेत तर भूम तालुका ३, वाशी तालुका ४ व उस्मानाबाद ४२, तुळजापूर येथे ४ कोरोनाचे रुग्ण सापडले आहेत.
